66

'Mony a ane for him makes mane, But nane sall ken where he is gane;

O'er his white-banes, when they are bare, The wind sall blaw for evermair."

MOTHERWELL'S COPY.

THERE were twa corbies sat on a tree,
Large and black as black might be,
And one until the other gan say,
"Where shall we gang and dine to-day?
Shall we dine by the wild saut sea?
Shall we dine 'neath the greenwood tree?

"As I sat on the deep sea sand,

I saw a fair ship nigh at land ;

I waved my wings, I beat my beak,
The ship sunk, and I heard a shriek ;
There they lie-one, two, and three ;-
I shall dine by the wild saut sea.

"Come, I will show ye a sweeter sight,
A lonesome glen, and a new-slain knight;
His blood yet on the grass is hot,
His sword half drawn, his shafts unshot,-
And no one knows that he lies there,
But his hawk, his hound, and his lady fair.

"His hound is to the hunting gane,
His hawk to fetch the wild-fowi hame,
His lady's away with another mate,
So we shall make our dinner sweet;
Our dinner's sure, our feasting free,
Come, and dine 'neath the greenwood tree.

"Ye shall sit on his white hause-bane,
I will pick out his bonny blue een ;
Ye'll take a tress of his yellow hair,
To theek your nest when it grows bare;
The gowden down on his young chin
Will do to row my young ones in !

"O! cauld and bare his bed will be,
When winter's storms sing in the tree;
At his head a turf, at his feet a stone,
He will sleep, nor hear the maiden's moan;
O'er his white bones the birds shall fly,
The wild deer bound, and foxes cry!"

Annie o' Lochryan.

There are various versions of this beautiful and affecting ballad, which appear in the collections under the headings of "The Lass of Lochryan," "Fair Annie of Lochryan," "Lord Gregory," and the one here adopted. It was first printed, in an imperfect state, by Herd, afterwards it appeared in a more complete form in Scott's Minstrelsy of the Scottish Border. Sir Walter's rendering represents Lord Gregory as confined by fairy charms in an enchanted castle; but Jamieson states that he heard the ballad chanted in Morayshire, and that no mention was made of enchantment or fairy charms. Burns and Dr. Wolcot (the well-known Peter Pindar), wrote each a song for Thomson's collection, entitled "Lord Gregory," founded on the subject of the present ballad. Lochryan is a beautiful but wild and secluded bay, which projects from the Irish Channel into Wigtonshire, in Galloway; and along the coast may been seen the ruins of various castles, such as the one described in the ballad. The following is Jamieson's version, slightly altered and amended :—

"O WHA will shoe my bonnie foot?
And wha will glove my hand?
And wha will lace my middle jimp
Wi' a new-made London band?

"And wha will kame my yellow hair

Wi' a new-made siller kame;

And wha will be father to my young bairn
Till love Gregory come hame."

"Your father'll shoe your bonnie foot,

Your mother glove your hand ; Your sister lace your middle jimp

Wi' a new-made London band.

"Your brother will kame your yellow hair, Wi' a new-made siller kame;

And the King o' Heaven will father your bairn Till Lord Gregory come hame."

"O gin I had a bonny ship,

And men to sail wi' me,
It's I wad gang to my true love,
Sin' he winna come to me !"

Her father's gi'en her a bonny ship,
And sent her to the strand;
She's ta'en her young son in her arms,
And turned her back to land.

She hadna been on the sea sailing,
Abune a month or more,

Till landed has her bonny ship,

Near to her true love's door.

The nicht was dark, the wind blew cauld,
And her love was fast asleep,

And the bairn that was in her twa arms

Fu' sair began to greet.

Lang stood she at her true love's door,
And lang tirled at the pin;

At length up gat his fause mother,
Says, "Wha's that wad be in ?"

"O it is Annie of Lochryan,

Your love come ower the sea,
But and your young son in her arms,
Sae open the door to me !"

"Awa', awa', ye ill woman,

Ye're no come here for gude; Ye're but a witch, or a vile warlock, Or mermaid o' the flude !"

"I'm nae a witch, nor vile warlock,
Nor mermaid o' the sea;

But I am Annie o' Lochryan,
O open the door to me!"

"Gin ye be Annie o' Lochryan,`
As I trow nae you be,

What token can you gie that e'er
I kept your companie?"

"O dinna ye mind, love Gregory,

When we sate at the wine,

How we changed the napkins frae our necks,

It's no sae lang sin'syne?

"And yours was gude, and gude enough,

But nae sae gude as mine;

For yours was o' the cambric clean,
But mine o' the silk sae fine.

"And dinna ye mind, love Gregory,

As we twa sate at dine,

How we changed the rings frae our fingers, And I can show thee thine?

"And yours was gude, and gude eneugh,

Yet nae sae gude as mine;

For yours was o' the gude red gowd,
But mine o' the diamond fine.

"Sae open the door, love Gregory,

Open the door, I pray,

For thy young son is in my arms,

And he'll be dead ere day!"

"Awa', awa', ye ill woman,

Gae frae my door for shame;
For I hae gotten anither fair love,
So ye may hie ye hame!"

"O hae ye gotten anither fair love,
For a' the oaths ye sware?
Then fare ye weel, Lord Gregory,
For me ye'se ne'er see mair!"

O hooly, hooly, gaed she back,
As the day began to peep;
She set her foot on gude ship board,

And sair, sair did she weep.

"Tak' doun, tak' doun the mast o' gowd,

Set up the mast o' tree;

It ill sets a forsaken lady,

To sail sae gallantlie!

"Tak' doun, tak' doun the sails o' silk,

Set up the sails o' skin;

Ill sets the outside to be gay,

When there's sic grief within."

Lord Gregory started frae his sleep,
And to his mother did say :

"I dreamt a dream this nicht, mither,
That maks my heart richt wae.

"I dreamt that Annie o' Lochryan, The flower o' a' her kin,

Was standing mournin' at my door,

And nane would let her in."