JACOBITE SONGS

CXLVIII

THE KING OVER THE WATER

BONNIE Charlie's noo awa'

Safely o'er the friendly main; Mony a heart will break in twa, Should he ne'er come back again.

Will ye no' come back again?

The hills he trod were a' his ain,

And bed beneath the birken tree;

The bush that hid him on the plain,

There's none on earth can claim but he.

Sweet the laverock's note and lang,

Liltin' wildly up the glen;

But he sings nae ither sang

Than Will ye no come back again?'

Whene'er I hear the blackbird sing
Unto the e'enin' sinkin' down,

Or merle that makes the woods to ring,
To me they hae nae ither soun'

Than

Will ye no come back again?
Will ye no come back again?
Better lo'ed ye canna be—

Will ye no come back again?
Anonymous.

CXLIX

WELCOME, ROYAL CHARLIE!

Oh he was lang o' comin',
Lang, lang, lang o' comin',
Oh! he was lang o' comin'!
Welcome, Royal Charlie!

When he on Moidart's shore did stand,
The friends he had within the land
Came down and shook him by the hand,
And welcomed Royal Charlie.

The dress that our Prince Charlie had,
Was bonnet blue, and tartan plaid;
And O! he was a handsome lad,
A true king's son was Charlie.

But oh! he was lang o' comin',
Lang, lang, lang o' comin',
Oh! he was lang o' comin',
Welcome, Royal Charlie!

Anonymous.

CL

CAM' YE BY ATHOL?

CAM' ye by Athol, lad wi' the philabeg,

Down by the Tummel, or banks of the Garry? Saw ye the lads wi' their bonnets an' white cockades, Leaving their mountains to follow Prince Charlie?

Follow thee, follow thee, wha wadna follow thee?
Lang hast thou lo'ed an' trusted us fairly l
Charlie, Charlie, wha wadna follow thee?

King o' the Highland hearts, bonnie Prince
Charlie!

I hae but ae son, my gallant young Donald;
But if I had ten they should follow Glengarry;
Health to Macdonald an' gallant Clanronald,

These are the men that will die for their Charlie !

I'll to Lochiel an' Appin, an' kneel to them;

Down by Lord Murray an' Roy o' Kildarlie ; Brave Macintosh, he shall fly to the fiel' wi' them; These are the lads I can trust wi' my Charlie. Down thro' the Lowlands, down wi' the Whigamore, Loyal true Highlanders, down wi' them rarely; Ronald an' Donald drive on wi' the braid claymore, Over the necks o' the foes o' Prince Charlie!

Follow thee, follow thee, wha wadna follow thee?
Lang hast thou lo'ed an' trusted us fairly!
Charlie, Charlie, wha wadna follow thee?
King o' the Highland hearts, bonnie Prince
Charlie!

CLI

Anonymous.

LADY KEITH'S LAMENT

I MAY sit in my wee croo house,

I

At the rock and the reel to toil fu' dreary; may think on the day that's gane,

And sigh and sab till I grow weary.

I ne'er could brook, I ne'er could brook,
A foreign loon to own or flatter;

But I will sing a rantin' sang,

That day our king comes owre the water.

O gin I live to see the day,

That I hae begg'd, and begg'd frae Heaven, I'll fling my rock and reel away,

And dance and sing frae morn till even:

For there is ane I winna name,

That comes the reigning bike to scatter;
And I'll put on my bridal

gown,

That day our king comes owre the water.

I hae seen the gude auld day,

The day o' pride and chieftain glory,
When royal Stuarts bare the sway,

And ne'er heard tell o' Whig nor Tory.

Tho' lyart be my locks and grey,

And eild has crooked me down-what matter? I'll dance and sing anither day,

That day our king comes owre the water.

A curse on dull and drawling Whig,
The whining, ranting, low deceiver,
Wi' heart sae black, and look sae big,
And canting tongue o' clishmaclaver!
My father was a good lord's son,

My mother was an earl's daughter,
And I'll be Lady Keith again,

That day our king comes owre the water. Anonymous.

CLII

O'ER THE WATER TO CHARLIE

We'll o'er the water, we'll o'er the sea,
We'll o'er the water to Charlie!
Come weal, come woe, we'll gather and go,
And live and die wi' Charlie.

Come, boat me o'er, come row me o'er,
Come boat me o'er to Charlie!
I'll gie John Ross another bawbee
To boat me o'er to Charlie.

I lo'e weel my Charlie's name,

Though some there be abhor him;
But, O! to see Auld Nick gaun hame,
And Charlie's foes before him!

I swear and vow by moon and stars
And sun that shines so early,

If I had twenty thousand lives,
I'd die as aft for Charlie!

We'll o'er the water, we'll o'er the sea,

We'll o'er the water to Charlie!

Come weal, come woe, we'll gather and go,

And live and die wi' Charlie !

Robert Burns.

CLIII

A SONG OF EXILE

FRAE the friends and land I love
Driv'n by Fortune's felly spite,
Frae my best belov'd I rove,
Never mair to taste delight!
Never mair maun hope to find

Ease frae toil, relief frae care.
When remembrance wracks the mind,
Pleasures but unveil despair.

Brightest climes shall mirk appear,
Desert ilka blooming shore,
Till the Fates, nae mair severe,
Friendship, love, and peace restore;
Till Revenge with laurell'd head
Bring our banish'd hame again,

And ilk loyal, bonnie lad

Cross the seas, and win his ain!

Robert Burns.

CLIV

KENMURE'S MARCH

O, KENMURE'S on and awa, Willie,
O, Kenmure's on and awa!
An' Kenmure's lord's the bravest lord
That ever Galloway saw!

Success to Kenmure's band, Willie,

Success to Kenmure's band! There's no a heart that fears a Whig That rides by Kenmure's hand.

Here's Kenmure's health in wine, Willie,
Here's Kenmure's health in wine!

There ne'er was a coward 'o' Kenmure's blude,
Nor yet o' Gordon's line.