Page images
PDF
EPUB

Et in vadis Anglici soli

Anchora jacitur,

Ut lætitiâ tandem perfusi

Exscensione factâ itineris labore levemini.

XXIV.

Nunquam prioribus seculis

Alii ex his mundi partibus
Heroicæ adeò indolis viri

(Naves) applicârunt ad nostros clivos *.
Josephe, Te semper prædicat,

Te, Josephe, collaudat Islandia;
SOLANDER, decore notus,

Per Cygnorum

habitacula splendeat .

* Elogium hoc Angli nostri optimo jure promeruerunt; præ omnibus quippe exteris nationibus, oras nostras invisentibus, erga gentem Islandicam adeo munificos affabiles et humanos se exhibuerunt, ut simile vix reperire liceat exemplum. Eorum proinde adventum, itineris rationem, Nomina et raram benevolentiam, sempiternæ posteritatis memoriæ, annaliumque monumentis, grata me suasore conservabit Islandia.

+ Territoriam Alstanes ad sinum Hafnafiord, ubi navis Anglorum in anchoris consistebat, a cygnis nomen habet, unde tractum hunc Svanabigder, seu Cygnorum habitacula, nominamus, habito simul ad universam insulam respectu.

Splendeat cluentis famæ præconio.

XXV.

Valete, humanissimi Domini ;

Laus vestra super terram

Per longam vivat ætatem !
Laudent vos quæcunque moventur !

Plura loqui supersedemus

Doctæ Sorores gratiam sitientes *:

Hoc gratulatorium Carmen non ingratum
Londini et Assatuni+ palàm pronunciamus.

N° 4.

VIRIS

ILLUSTRISSIMIS, NOBILISSIMIS, SUMME REVERENDIS, AMPLISSIMIS ET CONSULTISSIMIS!

PLURIMA SALUS!

Vestra hic in Schalholtiâ conversatio omnibus erat grata, quare in omnium ore versamini in celebritate, immò indigenarum laude et memoriâ.

* Gratiam tantorum virorum sibi humillimé apprecantes.

↑ Assatun antiquitùs urbs Angliæ; forte non procul a Brandfurdâ, hodie Brentfort, ad quam utramque Canutus magnus, cum filiis Adalradi Angliæ Regis conflixit; sed in quâ parte Regni sita fuerit, et num hodie sub alio nomine existat, juxta ignoramus. Sed hic metri tantùm causâ adhibetur.

Verùm post vestrum discessum res novæ mihi sunt relatæ, quòd totum orbem intra triennium emensi fueritis; quo vasto itinere audito, miratio mihi facta est, immò omnes in admirationem vestri trahit, suo animo apud se perpendentes, quòd non minùs incredibili animi robore septi, quàm firmissimâ corporum complexione præditi sitis. Quod Jacobus de Lamaire et Wilhelmus Soutensis terrarum orbem peregraverint, memoriæ est proditum: vestrum susceptum molimenque omnium est cultu dignum. Præterea liberalitas vestra penè regifica omnium meritò retinet animos; qualis munificentia rara est in exemplis, Præsulis Mag. Johannis Widalini exceptâ, cujus super anniversaria Evangelia orationes incolæ habent, a Te, Nobilissime Troili, Schalholti emptas. Huic olìm objectum, parsimonium optimum esse vectigal, seram esse in fundo, opus esse cauto: ad quod Præsul; Mors semper impendet, nunquam longè abesse potest. Accedit stabilis atque in- ` genuus mos et decor, ac inoffensa gravitas, neč sine jucunditate senile illud vix dum viriles annos ingressi pondus, illaque exacta frugalitatis lex, sine quâ frustrà aliquis mentem applicet magnis; modestiaque inusitata, quæ neque summis, ut ille ait, mortalium spernenda est, atque a Diis æstimatur. Igitur cùm vos ipsos loco ornatissimos

[ocr errors]

lepidis exornetis moribus, singularibusque studiis, tùm meum adjicere decet suffragium, et unà cum aliis laudibus exquisitis ornare. Quod reliquum est, Poetæ verbis,

Sic te Diva potens Cypri,

Sic fratres Helena, lucida sidera,
Ventorumque regat pater,

Obstrictis aliis, præter Iapyga!

Vos, illustres optimos, saluto! Quid dico, poetæ et ipsâ Apostolicâ salutatione amplector; vos Deo Opt. Max. cujus nutu et arbitrio omnia reguntur, omniaque vestra commendare non desistam. Ip-, sissimus vestrum per orbem iter fortunet, et ad umbilicum ducat! postremò patriis redditi terris, ad summas in cælesti curiâ evehat dignitates. Нæс pauca boni æquique consulere dignemini. Vestræ nobilitatis

Addictissimus,

THEODORUS JOHANNIS, P. Em.

Schalholti, Isl. d. 27, Dec. 1772.

P.S. In hoc vobis, viri nobilissimi, gratulor, quòd igniflua, ignivoma, et crudelis Virgo (Hekla), incolumes dimiserit.

cum pace

Viris perillustribus et excellentissimis,

Magistro Josepho Banksio,

Doctori Danieli Solandro, et

Magistro Troilio,

[merged small][merged small][merged small][merged small][merged small][merged small][merged small][ocr errors][merged small][merged small][merged small][merged small][merged small][merged small][merged small][merged small][merged small][merged small][merged small]
« PreviousContinue »