Iste dominus Robertus copulavit sibi in uxorem Sibillam sororem Roberti de Belismo, comitis Salopiæ, et genuit ex ea quatuor filias Mabiliam, Hawysiam, Ceciliam, Amisiam. Anno Domini мc. mense Augusti obiit Willielmus rex junior, et successit sibi Henricus frater ejusdem. Anno Domini мcij. Robertus filius Haymonis ad exhortationem bonæ uxoris suæ Sibillæ et abbatis de Craneburne Giraldi, divino spiritu tactus, ecclesiam Theokesb. ad Dei honorem et gloriosæ virginis Mariæ, cum cæteris sibi officinis de novo fieri statuit, terris, redditibus, et amplis possessionibus ditavit. Et quia locus iste fœcunditate soli, amono situ, terræque fertilitate, quàm monasterium de Craneburne pro tunc videbatur præstantior esse, priore cum duobus fratribus ibi relictis ob fundatorum illius loci memoriam peragendam imposterùm semper assignandis, cæteros omnes cum eorum abbate Giraldo supradicto, et quibusdam possessionibus sub anno gratiæ supradicto Theokesburiæ transtulit: ipsamque abbathiam de Craneburne mutans in prioratum, et in perpetuum abbathiæ Theokesburiæ in omnibus subjecit: sicque ipsum prioratum de Theokesb. in abbathiæ honorem magnificè sublimavit. Almaricum, cujus corpus fuit sepultum apud Derhurst et hoc egit propter magnos labores quos prædictus Roin parva capella contra portam prioratus ibidem, quia bertus sustinuit cum patre suo. capella illa aliquando fuit aula regia; ibi monstratur sepulchrum ejus usque in hodiernum diem, ubi scribitur in pariete supra hostium: hanc regiam aulam Doddo dux consecrari fecit in ecclesiam ad honorem sanctæ Mariæ Virginis ob amorem fratris sui Almarici.' Post mortem istorum, varia bellorum strage, Merciorum principes ac totius regni nobiliores per plurimos annos sunt attriti, ut in cæteris insulæ regionibus, quæ tunc temporis septem regibus subjacebat, quia nullus eorum solus monarcha in tota Brytannia extitit usque ad tempora Adelstani regis, qui primus monarcha fuit, manifestè claret contigisse. Unde fortuna variante, et regnorum fastigia sub rota volubili lamentabiliter subvertente, quis, qui per illa tempora periculosa in hujus ecclesiæ patronatu jure hæreditario succedere debuerat penè nostris majoribus reddebatur incertum; dum occisis pluribus, subactis aliis, nonnullis proscriptis, potentum potentior semper expelleret ipsum, sed et ipsum monasterium, expulsis fratribus, sæpe depredatum est, et bis combustum ignibus hostium regni. Transactis igitur in tam gravi depopulatione hominum ac mutua cæde nobilium ducentis annis, postquam regnorum insulæ hujus divisio multifaria cessit monarchæ, sævitia bellorum sedari cœpit, et in pacis concordia armorum tempestas paulatim serenari et pacari cœpit. Anno Domini Dccc. floruit in Mercia Hugo magnus dux, patronus prioratus Thewkesburiæ qui anno prædicto sepelivit regem Bricticum West-Saxonum in prioratu suo Thewkesbury in capella sanctæ Fidæ virginis, qui postea obiit et ipse anno Domini Dcccxij. et sepultus in eodem prioratu suo fuit. Circa annum gratiæ DCCCCXXX. sub inclyto et primo monarcha Adelstano, miles quidam nobilis Haylwardus Snew dictus, propter albedinem, ex illustri prosapia regis Edwardi senioris ortus, claruit; vir quidem armis strenuus, honoribus pollens, animique præstans fide stabili: qui sui finis non immemor, pro se ac sua conjuge (nomine Algiva) temporibus regis Ethelredi et sancti Dunstani archiepiscopi, parvum monasterium in honorem Dei et Domini nostri Jesu Christi, matrisque ejus, ac sancti apostoli Bartholomei in suo dominio apud Craneburne fundari fecit, terrisque et possessionibus ditari. Congregatis fratribus ibidem sub abbatis obedientia secundùm regulam sancti patris nostri Benedicti regulariter servitutis, prioratum Thewkesburiæ cujus patronus erat, eidem ecclesiæ de Cranburne in omnibus subjecit. Hæc acta sunt prope annum Domini DCCCCLXXX. Primo domino Haylwardo migrante ad cœlestia, et in ecclesia quam ipse fundaverat, honorificè sepulto, ejus filius cum sua uxore Algiva jure hæreditario succedit, dominus Algarus, Algaro Brictricus, fidei et nobilitatis suorum progenitorum testes ydonei, similique spiritu ducti et animo, juxta parentum vota, ecclesiam ab illis incœptam satis magnificè ampliaverunt. Postea, versa vice, scilicet anno Domini мlxvj. Willielmus dux Normanniæ Angliam adquisivit, qui duxit secum nobilem virum atque juvenem Robertum filium Haymonis, dominum de Astremervilla in Normannia. Et cum Matildis regina (uxor conquestoris) haberet nobilem virum, scilicet dictum dominum Brictricum Meaw, et dominum honoris Glocestriæ, exosum, eo quod nollet ei in matrimonium copulari, cum ipse esset in transmarinis partibus circa negotia regia imbassatoria, et illa erat sola, sed postea maritata domino Willielmo conquestori, quæ tempore opportuno reperto, licentiata à rege, regeque jubente, ipsum in manerio suo de Hanleya capi fecit et Wyntoniam adduci; qui ibidem mortuus et sepultus sinè liberis discessit. Rex verò Willielmus dedit honorem Brictrici Matildi reginæ, quæ totum honorem Brictrici scilicet Glowcestriæ, quoad vixit, occupavit; mortua verò ipsa regina anno Domini мlxxxiij. mense Aprili, rex Willielmus ipsum honorem in manu sua coepit. Defuncto igitur Willielmo conquestore anno Domini мlxxxvij. successit sibi Willielmus Rufus filius ejus. Iste Willielmus processu temporis dedit honorem Brictrici Roberto filio Haymonis, cum omni libertate et integritate quibus pater suus vel etiam ipse Brictricus unquam tenuerunt, Iste venerabilis Robertus filius Haymonis, post fundationem hujus famosi monasterii, et alia strenuè gesta, diebus Marcii anno gratiæ Mcvij. regis Henrici primi scilicet anno septimo, mortis solvens debitum, ad cœlestia migravit. Corpusque ejus in domo capitulari Theokes. (ut mos tunc erat plurimorum dominorum venerabilium ac nobilium,) traditum erat sepulturæ. Quod postmodum, tempore sanctæ memoriæ beati Roberti tertii abbatis in ecclesiam translatum est, et in dextra parte presbiterii, inter duas columnas honorificè collocatum. Hæc acta sunt circa annum Domini мccxlj. Super quo successu temporum dominus Thomas Parkarus abbas octodecimus capellam erigi fecit ex lapide satis mirificè tabulatam, sub anno gratiæ MCCCXCVij. Et ob illius fundatoris et uxoris ejus memoriam, missam quæ celebratur quotidiè pro defunctis statuit in eadem celebrari cum collecta pro fundatoribus, scilicet Miserere quæsumus Domine." Anno Domini Mcxiij. dominus Robertus de Candos fundavit ecclesiam de Goldcliva in honorem Dei et Domini Jesu Christi et beatæ dilectricis suæ Mariæ Magdalenæ et sanctæ Mariæ matris ejus, terrisque ac possessionibus ditavit, atque libertatibus a rege Henrico primo confirmatis, et per consilium ejusdem regis eam ad abbates Beccenses. ....sive monachorum ibidem. Sic quoque ordinavit priorem nomine Hugonem cum xij. fratribus qui secundùm regulam sancti patris nostri Benedicti militarent et in eadem ecclesia Deo servirent. Iste dominus Robertus de Candos venit cum conquestore de Normannia, qui genuit de uxore sua nomine Isabella tres filios, quorum nomina hæc sunt, Robertus, Rogerus, et Godardus, sicque patronatus traditus in manum regis quarto nonarum Novembris, obdormivit in Domino, anno Domini MCXX. et in eadem ecclesia de Goldeliva in dextera parte presbiterii sepultus. A discessu ejus omnes reges Angliæ tenuerunt patronatum ecclesiæ de Goldcliva in ditione eorum ab Henrico primo usque ad Henricum sextum, hoc est pro cccxviij. annorum spatio, sicque nullus prior fuit admissus ad dictum prioratum nisi priùs præsentasset se regi, sicque licentiatus à rege et admissus inductus et institutus fieret per episcopum Landavensem, et ejus archidiaconum. Et ultimus horum omnium sic institutorum, erat prior Laurentius de Bona-villa, quia tempore istius prioris dominus Henricus rex sextus gratis contulit patronatum hujus ecclesiæ, vel prioratus, domino Henrico duci de Warwick et prioratum ejusdem ad abbates et monachos Theokesburye. Quomodo et quo ordine actum sit insequentibus declarabimus. Rex autem Henricus primus, post discessum Roberti filii Haymonis, nolens tantum ac tale dominium, scilicet honorem Glowcestriæ inter sorores dividi, Ceciliam et Hawisiam in abbatissas, Ceciliam Shaftisbury, Hawysiam Wyntoniæ, promoveri fecit, tertiam Amiciam comiti Brytanniæ in uxorem dedit; solam Mabiliam primogenitam reservando, quam filio suo notho, unà cum integro honore patris dictæ Mabiliæ, scilicet Roberti filii Haymonis, in uxorem dedit, creans eum consulem, et Glowcestriæ comitem post conquestum primum. Qui Robertus comes in dominio suo apud Bristoliam quendam prioratum in honorem Dei et matris ejus ac sancti Jacobi apostoli à fundamento construxit; terrisque et ornamentis, possessionibus et libertatibus ditavit; statuitque illum membrum fieri monasterii Theokesb. (sicut prioratus Craneburne,) subjectum in omnibus et unitum propter amorem quem habebat ad illud monasterium, et quia solebat omni die solis per annum habere secum abbatem Theokesb. cum duodecim monachis dum viveret. Item construxit castrum Bristoliæ, et dedit decimum quemque lapidem castri ad fabricam capella beatæ Mariæ virginis in dicto prioratu sancti Jacobi. Decessit autem hic comes prælustris sub anno Domini Mcxlvij. pridie calendas Novembris, et regis Stephani anno duodecimo, cujus corpus in choro prioratus sancti Jacobi Bristoliæ (quem ipse fundaverat) in tumba lapidea ex viride jaspide honorificè, ut decuit, collatum est ac sepultum. Cui successit comes Willielmus, filius et hæres ejusdem, qui accepta conjuge Hawisia, filia comitis Leicestriæ, genuit ex ea Robertum ante patrem morte præventum, cujus corpus sepultum est apud Keynesham, quod ipse Willielmus ob ipsius Roberti filii sui memoriam fundavit, terrisque et ornamentis ditavit. Genuit etiam tres filias; primogenitam videlicet Mabiliam comiti de Evercis in Normannia nuptam, de qua nascitur Almaricus, qui comitatum Glowcestriæ post mortem Isabellæ, tempore regis Johannis paululum possidens sine liberis citò decessit. Alteram genuit filiam nomine Amiciam, quam domino Richardo de Clare, comiti de Hertford, nuptui tradidit. Tertiam quoque filiam, Isabellam nomine, habuit. Sed post mortem patris sui, Henricus rex secundus honorem Glowcestriæ detinuit in manus suas per vj. annos. Qui regni sui anno ultimo, Isabellam, filiam dicti comitis Willielmi, Johanni filio suo dedit in uxorem (dicto sine terræ) cum integro honore totius comitatus Glowcestria; quem quidem honorem Johannes idem tenuit omni tempore fratris sui regis Ricardi. Iste fecit pontem apud Theoces. qui vocatur Pons Longus, tempore comitatus sui; et dedit ad sustentationem dicti pontis totum teloneum de mercatu Thewkes. quod usque hodiè servatur, qui post mortem patris sui et fratris in regem electus est. Sed tunc quia non habebat liberos per Isabellam, post annum unum factum est divortium inter ipsos, sed tenuit sibi honorem Gloucestriæ, castrum Brystoliæ cum burgo, et totam bertonam, hundredum, cum suis annexis quod non devenit ad hæredes usque ad præsentem diem. Et maritavit Isabellam Galfrido de Mandevile comiti Essexiæ cum comitatu Glowcestriæ. Quo Galfrido de medio sublato, Isabella prænominata, tempore ejusdem regis (cum Lodovicus rex Franciæ Angliam occupasset) regis assensu, Huberto de Burgo justiciario Angliæ maritata est, sed infra breve de medio sublata est. Obiit nobilis comes Willielmus Gloucestriæ anno Domini мclxxiij. corpusque ejus apud abbathiam canonicorum de Kenisham, quam ipse ob sui filii Roberti memoriam fundaverat, terrisque ornamentis et libertatibus ditaverat, venerabiliter ut decuit, cum suo filio traditur sepulturæ. Iste Robertus natus fuit apud Cardif, et ibidem obiit anno Domini Mclxvj. Iste dominus Willielmus comes confirmavit omnes cartas confirmationes, et libertates et donationes quas pater suus et antecessores sui dederunt vel confirmaverunt eidem Tewkesbury. Etiam iste comes Willielmus dedit et concessit ad ecclesiam et prioratum de Goldclif, quod prior et omnes tenentes sui sint liberi imperpetuum sine tolneto, id est, non debent solvere, et tam in Anglia quàm in Wallia apud Bristolliam, Kerdif, Newport, Karleon, et Chepstow, teloneum. Duabus igitur filiabus Willielmi comitis sine liberis decedentibus, devoluta est hæreditas ad Amiciam (Ricardo de Clare nuptam) et filiam Willielmi comitis, quæ omnem hæreditatem suam dedit Gilberto filio suo et dicti Ricardi, qui Ricardus obiit anno Domini мccvj. et apud Clare sepultus est. Cui successit filius ejus Gilbertus primus Glow cestriæ et Hertfordiæ comes conjunctim et divisim, qui accepta conjuge domina Isabella, filia Willielmi Marescalli senioris, comitis de Pembroke, genuit ex ea filiam Amiciam de nomine matris sortitam, anno мccxx. et anno мccxxij. posteà genuit filium nomine Ricardum secundum, et hæredem suum. Denique elapso parvo tempore genuit duos filios, scilicet Willielmum et Gilbertum. Postremò genuit duas filias, Agnetam et Isabellam. Prædictus Gilbertus primus legavit nobis boscum de Mutha unà cum corpore suo ad sepeliendum in ecclesia nostra de Thewkes. in medio presbiterii, anno Domini MCCXxx. Iste obiit apud Penros in minori Brytannia. Iste confirmavit ad ecclesias de Theokusbury et Goldclif omnes donationes et confirmationes antecessorum suorum. Cui successit Ricardus de Clare secundus filius et hæres ejusdem Gilberti et Isabellæ in hæreditatem patris sui, comitatus Glowcestriæ, et Hertfordiæ, qui duxit in uxorem Matildem nomine, filiam comitis Lincolniæ, genuitque ex ea filium, nomine Gilbertum secundum in crastino sancti Egidii anno Domini мccxliij. apud ecclesiam Christi in Hampscire. (Iste Gilbertus secundus dictus est Rubeus Comes, quia rufus erat et pulcher aspectu :) genuit quoque alios duos filios, Thomam et Benedictum, cum tribus filiabus, quarum una Isabella primogenita, Margareta, et Roysea. Iste Ricardus secundus confirmavit nobis boscum de Mutha et cætera dona et privilegia patris sui et antecessorum suorum. Et etiam ratificavit omnia dona comitis Willielmi ecclesiæ de Goldclif anno Domini Mcclij. Iste Ricardus de Clare comes Glowcestriæ et Hertfordiæ tenuit festum Natalis Domini apud Theokes. Habuit in eodem loco secum lx. milites sibi servientes. Qui Ricardus obiit xiv. die Julii anno Domini мcclxij. tempore Henrici regis iij. ante statutum apud Esmerfelde, qui comes perlustris quinto kalend. Augusti honorifice humatur in presbiterio apud Theokes. in dextera patris sui, ubi interfuerunt Landavensis et Wigorniensis episcopi, et xij. abbates, et copiosa multitudo baronum, militum ac magnatum. Et posteà uxor ejus ornavit tumbam ejusdem auro et argento et lapidibus pretiosis, cum gladio et calcaribus quibus utebatur vivus. Defuncto Ricardo ij. de Clare, Gilbertus secundus filius ejus successit in comitatum Glowcestriæ et Hertfordiæ, qui ex sua conjuge Johanna de Acres, filia regis Edwardi primi, habuit filium unicum, scilicet Gilbertum tertium, et tres filias, viz. Elianoram, Elizabetham, et Margaretam. Iste Gilbertus secundus confirmavit omnia dona patrum suorum ecclesiæ Theokes. et etiam cartam comitis Willielmi ecclesiæ beatæ Mariæ Magdalenæ de Goldclif de tolneo et aliis donis suis. Qui Gilbertus secundus obiit in castello de Monmouth vij. idus Decembris anno Domini Mcclxxxxv. et sepultus est apud Theokes. in sinistra Gilberti primi; cui successit Gilbertus tertius filius et hæres ejusdem, qui de uxore sua Matilda, filia Johannis de Borow comitis Ultoniæ, genuit filium, nomine Johannem, ante patrem immatura morte præventum, sepultus est apud Theokes. in capella gloriosa virginis Mariæ. Iste Gilbertus tertius non declinans retrorsum, à Scotis in Albania apud Streveling die Natalis S. Johannis Baptistæ anno regis Edwardi secundi lamentabiliter occubuit, anno ætatis suæ xxiij. viij. kal. Julii, anno Domini Mcccxiiij. Sed delatum est venerabile corpus ejus ad locum patrum suorum, scilicet Theokes. et sepultus est in læva patris sui; et domina Matilda uxor ejusdem obiit vj. nonas Julii, anno MCCCXV. et sepulta est in sinistra viri sui. Tunc citò post decessum istius Gilberti tertii, comitatus et honor Gloucestriæ et Hertfordiæ sic penitus sunt dispersi, ut nullus in eodem dominio integro postmodum successerit usque ad præsentem diem: eò quod in trium filiarum Gilberti secundi, et sororum Gilberti tertii devenerit partitionem, quæ variis conjunctæ viris numerosa prole fuerant fecundatæ. Post Gilbertum tertium de Clare, successit in tertia parte honoris, et prima comitatus Gloucestriæ domina Elianora prima soror præfati Gilberti, in cujus partem devenit dotatio et prioratus ecclesiæ Theokes. quæ nupta fuit illustri Hugoni le Despenser, filio domini Hugonis le Despenser, comitis Wintoniæ, qui genuit ex ea Hugonem tertium, et Edwardum. Iste Hugo primus peremptus fuit apud Brystolliam vj. kal. Novembris in castello, anno MCCCXxvj. et eodem anno in vigilia sanctæ Andreæ apostoli apud Herefordiam, Hugo secundus, camerarius regis Edwardi de Karnarvan, et maritus dominæ Elianoræ de Clare, et filius Hugonis primi, enormiter, perditiosè, et crudeliter, sine judicio vel responsione, suspensus, distractus, et in quatuor partes divisus fuit, et in nostra ecclesia diu postea sepultus. Obiit domina Eleanora uxor ejusdem ij. kal. Julii anno Domini MCCCXxxvij. Ista erat mater Hugonis tertii, et Edwardi primi, et Gilberti le Despencer per conjugem suam Hugonem secundum. Post mortem ejus maritata fuit domino Willielmo le Sowch, de quo genuit Hugonem Souch. Anno Domini MCCCXXXV. primo die Martii obiit Willielmus le Souch, et sepultus est in capella beatæ Mariæ Theokes. in medio. Et domina Elizabetha de Clare, secunda filia Gilberti secundi, et soror ejusdem Elianoræ, habuit tres viros, videlicet Johannem de Borow comitem de Holvestere, à quibus Willielmus comes Holvestre à quo Willielmo, Elizabetha de Borow hæres ejus, quam Leonellus filius secundus regis Edwardi tertii duxit in uxorem ; à quibus (Leonello videlicet et Elizabetha uxore ejus) filia una, unica hæres eorundem, nomine Philippa descendit. : Ista Philippa postea copulavit se in uxorem domino Edmundo comiti Marchiæ, de qua genuit Rogerum et Edmundum. Et iste Rogerus genuit Edmundum ultimum comitem Marchiæ, et Rogerum, et Annam, quæ domina Anna desponsata fuit domino Ricardo comiti de Cambridge, cujus pater erat dominus Edmundus de Langley, dux Eboraci, et regis Edwardi tertii filius tertius de qua Anna genuit dominum Ricardum ducem Eboraci, qui copulavit sibi in uxorem dominam Ceciliam et filiam comitis de Westinerland, de qua genuit Et domina Isabella, tertia filia Gilberti secundi, copulata erat domino Hugoni de Audley. De cujus genealogia in sequentibus dicemus. Modò vertamus stylum ad Hugonem cum fratribus ejus Edwardum primum atque Gilbertum, pro quo Gilberto pro multis beneficiis quæ contulit ecclesiæ nostræ habemus quotidie orationem, Inclina,' in missa de Sancto Spiritu, Domino Hugone secundo sepulto, successit filius ejus Hugo tertius, qui de uxore sua Elizabetha, filia comitis Sarum, nullo penitus genito hærede, decessit sexto Idus Februarii sub anno Domini MCCCxlviij. sepultus est apud Theokes. juxta summum altare in dextera parte. Iste, inter alia bona quæ contulit, ecclesiam Lantrissam appropriavit, de cujus ecclesia, in die anniversarii ejus conventus percipiet xx. marcas, et xxx. pro una pitancia. Iste fregit Scheltram apud bellum de Scluyse in mari, quia potens erat in bello. Anno Domini Mccclix. obiit domina Elizabetha le Despencer apud Asteley in comitatu Hamptoniæ, filia quondam Willielmi de Monte-acuto comitis Sarum, ac uxor Guidonis de Bryene militis, et relicto Hugone tertio le Despencer, ultimo die mensis Maii, hoc est, in die sanctæ Petronellæ virginis, sepulta jacet cum nobili viro suo primo marito in tumba satis præclara cum ymaginibus de marmore albo. Iste Gwido de Bryen appropriavit quosdam redditus in villa Bristoliæ pro anima sua, et dictæ dominæ Elizabethæ uxoris suæ, et delegavit illud ad officium sacristæ Theokes. et qui primam missam celebrat pro dicto Gwidone quotidiè in ecclesia nostra ad altare sanctæ Margaretæ cum hiis orationibus: Deus qui charitatis,' &c. pro consanguineis suis viventibus; et Inclina' pro mortuis. Missa in dominica de Trinitate; feria secunda de Sancto Spiritu; feria tertia de sancto Thoma; feria quarta de Sancta Requie; feria quinta de Ascentione; feria sexta de Sancta Cruce, sabbato de sancta Maria. Et qui celebrat per hebdomadam percipiet pro suo labore xxjd. et in anniversario ejus et dicta Elizabethæ, si abbas celebraverit missam, percipiet vs. si prior, iijs. iiijd. et qui legit evangelium viijd. qui epistolam, viijd. qui patenam viija. et præcentor cum duobus sociis cuilibet eorum viijd. et priori xijd. et unicuique monachorum iiijd. Edwardus igitur primus, frater Hugonis tertii, ex Anna filia domini de Ferrers, genuit Edwardum secundum, Thomam, Henricum, et Gilbertum secundum, et fortunio belli ante fratrem suum decessit. Iste erat comes insula de Wight et postea factus comes Devoniæ. Edwardus verò secundus, filius istius Edwardi, successit Hugoni tertio, et copulavit sibi in matrimonium dominam Elizabetham, filiam domini Bartholomei de Borowashe, de qua genuit Edwardum tertium, qui obiit duodenus apud Kardif, sed apud Theokes. sepelitur in capella sanctæ Mariæ, et Hugonem quartum, qui obiit citò postquam natus erat et sepelitur cum fratre suo. Deinde genuit quatuor filias, quarum nomina sunt ista, scilicet Ceciliam, quæ obiit iuvenis, et sepulta est cum fratribus suis: deinde Elizabetham dominam de la Sowch, et relictam domini Johannis de Arundell, et dominam Annam quæ fuit desponsata Hugoni Hastings, et post Thomæ Morley et Margaretam quæ fuit nupta domino Roberto de Ferrers; et prædictus Edwardus in ultima ætate sua genuit Thomam le Despencer et comitem Gloucestriæ. Iste successit patri suo in hæreditatem et copulavit sibi in matrimonium dominam Constantiam filiam domini Edmundi de Langley, filii regis Edwardi tertii et ducis Eboracensis, de qua Constantia præfatus Thomas genuit Ricardum, Elizabetham, et Isabellam. Et prædicta domina Margareta, uxor domini Roberti de Ferrers, obiit tertio nonas Novembris, anno Domini MCCCCXV. et sepulta est apud Merivale. Ista fuit mater domini Thomæ, Edmundi, et Edwardi de Ferrers. Et prædictus Edwardus secundus obiit in Cambria, apud Lanblethian in die sancti Martini, anno мccclxxv. et sepultus est apud Theokes. ante ostium vestiarii juxta presbiterium, ubi uxor ejus ædificavit capellam ex lapidibus arte mirifica constructam, quæ dedicata est in honore Sanctæ Trinitatis. Iste, inter cætera bona quæ nobis contulit, calicem de purissimo auro nobis ditissimum dedit, et aliud jocale preciosissimum arte mirifica fabricatum, in quo corpus dominicum in diebus solennibus est impositum. Et domina Elizabetha uxor ejusdem permansit in viduitate sua post mortem viri sui ferè xxxiij. annis. Et obiit die sanctæ Annæ anno Domini Mccccix. et sepulta est infra chorum Theokes. in sinistra viri sui sub lapide marmoreo. Ista, inter alia bona quæ contulit monasterio, obtulit unam sectam vestimentorum rubeam cum leonibus de auro, scilicet, unam casulam cum iij. dalmaticis, et albis paratis, cum xv. cappis. Post obitum Edwardi secundi, Thomas filius ejus et hæres successit, comes Gloucestriæ, qui nequiter fuit occisus apud Bristoliam à populari vulgo, feria tertia post festum sancti Hilarii, anno Domini Mcccxcix. et apud Theokes. sepultus in medio chori sub lampade quæ jugiter ardet ante corpus dominicum: obiit autem anno x. ante matrem suam. Anno Domini MCCCCXiiij. obiit dominus Ricardus tertius le Despenser, filius et hæres ejus, anno ætatis suæ xviij. apud Merton, cum esset in custodia regia quinque milliaribus distans à Londino, septimo die Octobris, sed sepultus est apud Theokes. in sinistra patris sui. Iste duxit in uxorem primam filiam domini Radulphi comitis de Westmerland, nomine Elizabetham, sed post obitum ejus, hærede nullo ex eis existente, maritata fuit domino Henrico Percy comiti de Northumbria,__dotatione sua exeunte de dominio de Despensere. Et domina Elizabetha, prima filia domini Thomæ et Constantiæ uxoris suæ, et soror dicti Ricardi, obiit in iuvenili ætate apud Kardyf, et sepulta est in ecclesia beatæ Mariæ ibidem, et in septimo mense postquam dominus Thomas le Despencer mortuus est, domina Constantia uxor ejus peperit ei egregiam filiam, nomine Isabellam apud Kardyf, in die sanctæ Annæ, anno Domini MCCCC. Et postea domina Constantia nupta erat domino Thomæ comiti de Arundell, de qua genuit filiam nomine Elianoram, quæ postea maritata fuit per dominam Isabellam sororem suam (comitissam de Warwick), Hugoni domino de Audley, de qua genuit filium nomine Jacobum; quem suscepit de sacro fonte dominus Willielmus de Brystow, abbas Theokes. Post obitum domini Ricardi tertii le Despenser, domina Isabella soror ejus suscepit dominum le Despenser, quam desponsavit dominus Ricardus quartus de Bellocampo, filius et hæres domini Willielmi Bewchamp, et dominus de Abergeveni, in die vij. dormientium, anno MCCCCXj. Istas nuptias celebravit apud Theokes. dominus Thomas Parker, abbas ejusdem loci xviij. Obiit domina Constancia, mater dictæ dominæ Isabellæ, anno Domini Mccccxvij. et sepulta est apud monasterium de Reding anno Domini MCCCCXX. Dum dominus Henricus rex quintus Francos infestaret, dominus Ricardus quartus de Bellocampo factus est comes Wigorniæ apud Londoniam, et domina Isabella uxor ejus concepit de eo, et peperit ei filiam nomine Elizabetham, quæ nascebatur apud Hanleyam xvj. die Septembris, anno gratiæ MCCCCXV. litera dominicali c. Quam suscepit de sacro fonte dominus Thomas Parker abbas, quæ postea nupta fuit domino Edwardo Neuill juniori filio comitis de Westmerland, de qua natus est dominus Georgius, hæres eorundem. Et iste Ricardus iiij. de Bello Campo comes Wigorniæ postea, tempore regis Henrici vj. xv. kal. Aprilis anno Domini MCсссxxj. in Gallia apud Mews in Brye, lapide balistæ in latere percussus, citò post ibidem occubuit, et xxv. die Aprilis apud Theokes. est sepultus, ad finem chori, inter chorum et capellam fundatoris, inter ij. columnas, ubi postea domina Isabella uxor ejus ordinavit pulchram capellam arte mirificè fabricatam, quam consecrari fecit in honorem beatæ dilectricis Domini nostri Jesu Christi, Mariæ Magdalenæ, sanctæ Barbara virginis, et sancti Leonardi abbatis. Quæ capella dedicata est ij. die mensis Augusti anno Domini мccccxxxviij. Post annum et decem menses postquam dominus Ricardus quartus comes Wigorniæ mortuus est, dominus Richardus Bewchampe v. comes Warwichiæ, et filius patris Ricardi quarti comitis Wigorniæ, habita dispensatione papali desponsavit supradictam dominam Isabellam comitissam Wigorniæ et relictam domini Ricardi supradicti, et seisivit eam in comitatu de Warwic, an. Domini мccccxxiij. xxvj. die Novembris. Post annum et tres menses et paucos dies, xxij. die Marcii, anno Domini MCCCCXxiiij. peperit prædicta domina Isabella Ricardo quinto marito suo egregium puerum nomine Henricum, et hæredem eorundem apud castrum de Hanley. et nuptias supradictas celebravit magister Johannes Fordam, prior Wigorniæ, ubi interfuit dominus Willielmus Bristow abbas Theokes. in eodem castello. Et quinto die postquam venerabilis Henricus natus fuit, dominus Henricus Bewford cardinalis presbyter, titulo S. Eusebii, atque episcopi Wintoniæ frater, et avunculus regis, et dominus Humfridus dux Buckinghamiæ et comes Staffordiæ, et Johanna domina de Abergeveni, pro nobilitate parentum, charissimo amore puerum susceperunt de sacro fonte; quem baptizavit dominus Johannes Fordam, prior Wigorniæ, et tenuit eum ad confirmationem dominus Johannes Bewchamp baro de Powik. Sed Iste nobilis Henricus dominus le Despenser, decimo anno ætatis suæ, copulavit sibi in uxorem dominam Ceciliam, filiam domini Ricardi Nevill comitis Sarum, anno Domini Mccccxxxiiij. Post annum et vj. menses quàm iste generosus Henricus natus erat, nata est domino Ricardo quinto comiti du Warwick, de uxore sua Isabella, filia nomine Anna, quam eodem anno et mense (quo frater ejus Henricus duxit filiam comitis Sarum) Ricardus, filius dicti Ricardi comitis Sarum, conduxit in uxorem. Tempore elapso, iste venerabilis Henricus cognovit uxorem suam, genuitque ex ea filiam, nomine Annam, quæ nata est apud Kardif mense Februarii anno Domini Mccccxliij.; quam susceperunt de sacro fonte dominus Johannes Abyndon abbas vicesimus Theokes. et domina Anna soror dominæ Isabellæ comitissæ, et amita domini Henrici, et uxor domini Hugonis de Audley, et domina Elizabetha seror dicti Hugonis. Et venerabilis dominus Ricardus quintus, comes Warwichiæ, cum haberet regimen Franciæ et Normanniæ sub domino Henrico rege vj. apud civitatem Rotomagensem diem clausit extremum, anno Domini мccccxxxix. et sepultus est apud Warwick eodem anno. Et domina Isabella comitissa uxor ejusdem domini, et patrona nostra nobilissima, recessit de transmarinis partibus cum corpore viri sui, et venerabilis Henricus et strenuissimus juvenis, filius et hæres eorundem, cum maximo dolore et infirmitate, usque ad prioratum canonicorum de Southwick juxta mare, ibique aliquamdiu morigerati, domina Ysabella ægritudine fessa post paululum venit Londinum ad domum Fratrum minorum, ubi dominus Henricus rex vj. venit visitare ac consolare eam; qui com mendavit filium suum dilectissimum Henricum domino regi, petiitque ab eo humillimis precibus, quatinus executores illius appropriarent ad (ecclesiam et abbathiam Theokes. ad valorem ccc. marcharum; quatinus ibidem ordinarentur vj. monachi plures quàm fuerant à prima fundatione, quatinus altissimo turificarent missarum orationumque suffragia pro salute animæ suæ et antecessorum et successorum suorum. Benignissimus rex, Deoque devotus, petitioni ejus annuit, atque in hæc verba consolationis recessit ab ea, dicens: Deus quem puro corde colis det tuam petitionem adimpleri secundùm desiderium animæ tuæ.' At illa gratias egit Deo, regique benigno, sicque graviter vexata infirmitate in eodem loco obdormivit in Domino, in die sancti Johannis Evangelistæ, hoc est vj. kalend. Januarii, et in testamento suo legavit etiam ecclesiæ Theokes. omnia ornamenta capitis et corporis sui quibus utebatur viva, videlicet aurum et argentum, lapidesque pretiosos, et vestimenta preciosissima ad valorem, ut æstimabatur, ccc. marcharum. Ordinavit etiam quatuor missas quotidie celebrari in nova capella quam fundaverat pro se, et antecessorum et successorum suorum animarum salute, et quatuor monachos prima missa quotidiana de die, secunda de Trinitate vel de Sancto Spiritu, tertia de sancta Maria, iiij. de beata Requie: constituitque unicuique ad finem septimanæ ij. sol. sterlingorum pro labore suo. Confirmavit etiam omnia privilegia et donationes atque cartas antecessorum suorum. Et præcepit sub benedictione sua filio suo Henrico, quatinus ipse hæc omnia ratificaret et confirmaret atque adimpleret. Atque ita idus Januarii sepulta est apud Theokes. in dextra patris sui, à venerabilibus viris, scilicet Thoma Plufford episcopo Herefordiæ et ejus confessore, et domino Willielmo Bristow abbate Theokes. et domino Johanne abbate Winchcombiæ, ubi et alii magnates plurimaque multitudo interfuerunt. Hæc autem omnia facta sunt eodem anno quo dominus Ricardus Bewchamp quintus, et maritus ejus, mortuus est, cum magna solemnitate, honore, atque reverentia, sicut decuit, sic est humata: modò ædificatur super ejus membra tumba marmorea arte mirificè fabricata. Post decessum parentum venerabilium, venerabilis dominus Henricus hæres eorundem successit in hæreditatem paternam et maternam, qui per biennium existens in custodia regia postea restitutus est ad sua omnia in magna gloria. Nam coronatur à rege in regem de Wight manu regia, et nominatur primus comes totius Angliæ. Factum est autem post duos annos ut dominus Henricus rex vj. propter amorem parentum valde eum diligens, speciali, amore contulit ei ducatum Warwichensem, dans ei castrum Bristolliæ cum omnibus suis annexis, quod olim rex Johannes detinuit sibi, sicut supra memoravimus; dedit quoque ei insulas Gardsey et Jardsey. Addiditque ei patronatum ecclesiæ sanctæ Mariæ Magdalenæ de Goldclif cum omnibus suis annexis. Deditque ei licentiam appropriare illam ecclesiam et prioratum cum omnibus suis pertinenciis, et facere illa omnia et singula membra fieri ecclesiæ Theokes. quatinus monachi ibidem Deo servientes turificarent missarum solemnia, orationum suffragia, cæterorum quoque contemplativa, bonorum operum suspiria, pro salute animæ et corporis ipsius regis atque domini Henrici ducis, et in speciali pro salute animæ dicta Isabellæ, dominæ et comitissa Wigorniæ et Warwichiæ, et pro animabus antecessorum et successorum suorum, atque pro animabus omnium fundatorum et benefactorum ecclesiæ Godcliviæ. Atque altissimo quotidie sic adorato, animæ eorum epularentur in Paradisi amoenitate ut loco à Deo eis limitato. Confirmavit etiam ipse nobilis rex, et sua carta magna atque secreto sigillo omnia privilegia possessionesque terrarum et ornamenta donationesque regum ac nobilium antecessorum suorum, tam in spiritualibus quàm temporalibus, sive in Anglia, sive in Wallia. Concessit etiam omnia confirmari ab archiepiscopis, episcopis, archidiaconibus, capitulis generalibus et specialibus, et in speciali à domino Nicholao Landavensi episcopo, et à magistro Roberto Cole ejus archidiacono, atque à capitulo Landavensis ecclesiæ, et parliamento à ducibus, marchiis, comitibus, baronibus, militibus, justiciariis, ballivis, et aliis. Hæc omnia acta et con firmata sunt anno Domini Mcccclxij. et v. kal. Junii. de Abergeveni sub sigillo magnæ cartæ suæ atque Eodem anno monachi Theokes, ingressi sunt primùm in secretæ. prioratum prædictum Goldclif, domino Willielmo Bristow tunc abbate Theokes. Et frater Johannes Abindon tunc fuit cellerarius et procurator, et frater Thomas Winchcombe ordinatus prior ibidem per abbatem et conventum. Postea eodem anno per laborem magistri Adam Molenis, à domino papa Eugenio, ejusque consilio ratcifiata et confirmata sunt ista omnia et singula. Sicque temporis intervallo dominus Ricardus Langley dux Eboracensis confirmavit omnia dona et franchesia et privilegia antecessorum suorum ad dictam ecclesiam pertinentia, scilicet Goldcliviam. Dedit etiam protectionem suam domino Johanni Abindon, et priori Goldclif, et monachis ibidem Deo servientibus, pro omnibus hominibus suis, tenentibus, officiariis, ac ministris in Wallia, sive in marchia Walliæ. Similiter dominus Henricus Beuchamp dux Warwichiæ ratificavit, et confirmavit omnia dona antecessorum suorum in Wallia sive in marchiæ Walliæ ecclesiæ prædictæ. Sic quoque dominus Humfridus dux Bokinghamia confirmavit omnes donationes et confirmationes antecessorum suorum in Wallia sive in marchiis Walliæ. Ita et dominus Richardus dux Norfolchiæ, et dominus de Chepstow, hoc est Striguliæ, ratificavit et confirmavit omnia dona antecessorum suorum. Memorandum quod frater Robertus Newent prior prioratus Goldcliviæ, et frater Ricardus Hardwick, et frater Thomas Percior expulsi sunt ex prioratu Goldcliviæ anno Domini Mccccxlv. litera dominicali C. nonas Junii, ex invidia Wallencianorum. Etiam tempore istius dominæ Isabellæ, dum adhuc viveret, appropriatæ sunt suo labore et adjutorio duæ ecclesiæ; scilicet ecclesia de Tarrande Monachorum in diocesi Sarum, et ecclesia de Penmarche in diocesi Landavensi tempore domini Willielmi Bristow abbatis, et fratrum Willielmi Faukenere elemosinarii, et Johannis Abindon celerarii atque procuratoris. Obiit autem dominus Henricus nobilis dux Warwichiæ, et primus comes Angliæ, dominus le Despencer et de Albergeveny, rex de insulis Wight, et Gardsey, et Jardsey, dominus quoque castri Bristoliæ cum suis annexis, tertio idus Junii, anno Domini мccccxlvj. anno ætatis suæ xxij. apud castrum de Hanleya, et sepultus est in medio chori Theokusburiæ, inter stallos, ubi ipse elegit sepeliri, quatinus commonachi, et allecti sui eum semper haberent in memoria. Media nocte fuit humatus cum magno luctu singulorum suorum, propter tumultus populi qui eum sic amabant, ne damnum viderentur inferre monasterio concursus populorum venientium. Iste dum viveret confirmavit omnia dona, privilegia, et cartas patrum et antecessorum suorum ecclesiæ Theokes. Legavitque nobis in suo testamento ecclesiam de Scherston, et omnia ornamenta corporis sui, ad faciendum inde vestimenta. Memorandum, quod quinto idus Martii dominus Johannes abbas Theokes. ingressus est secundò in prioratum de Goldclif, anno Domini Mccccvj. litera dominicali A. Et viij. idus Aprilis post, prior ingressus est cum suis sociis, scilicet monachis de Theokes. iij. nonas Junii. Et domina Elizabetha, filia domini Ricardi quarti comitis Wigorniæ, et dicta Isabellæ, et soror dicti Henrici ducis, obiit xiiij. kal. Julii, anno Domini Mccccxviij. anno ætatis suæ xxxij. et apud ecclesiam fratrum Čarmelitarum de Coventry est sepulta. Et post obitum domini Henrici ducis, domina Anna, filia ejus unica et parvula atque hæres, tradita est in custodiam regis qui dedit eam, cum nonagia, dominæ Margaretæ reginæ. At illa dedit eam iterum domino Willielmo Pole, duci Suffolchiæ, in cujus custodia obiit, anno Domini Mccccix. anno ætatis suæ sexto. Et obiit apud manerium de Herpendene, et sepulta est apud monasterium de Reding. Post mortem istius puellæ, successit in patronatum Theokes. ecclesiæ dominus Ricardus Nevill, sextus filius domini Ricardi Nevill comitis Sarum, qui duxit dominam Annam filiam supradicti Ricardi Bewchampe, quinti comitis Warwichiæ, et domina Isabellæ uxoris suæ et comitissæ, et sororis domini Henrici ducis. Et dominus Henricus rex sextus dedit illi comitatum Warwichiæ et dominium de le Despenser atque Iste appropriavit ecclesiam de Scherston, et fecit eam annecti ecclesiæ Theokes. Confirmavit etiam omnia dona, privilegia, et cartas antecessorum suorum, et in speciali confirmavit cartam de piscatione apud Theokes. in Sabrina, et in Abbana, et etiam in Tofe apud Kardif, quod dominus dux similiter concessit et confirmavit. Anno Domini мccccl. obiit domina Cecilia, ducissa de Warwicke, et relicta domini Henrici ducis de Warwick, quinto kal. Augusti, quæ post mortem domini Henrici maritata fuit comiti Wigorniæ, et domino Tiptoft, et sepulta fuit secundo kal. Augusti in capella beatæ Mariæ virginis apud Theokes. in loco ubi Willielmus Sowche antea erat sepultus. Et dominus Ricardus Nevill, sextus filius comitis Sarum. genuit de uxore sua Anna (filia comitis de Warwick et domina Isabellæ uxoris suæ) duas filias, Isabellam et Annam, quæ Isabella nupta fuit domino Georgio duci Clarenciæ, et filio Ricardi ducis Eborum, et fratris Edwardi regis quarti, de qua genuit filiam, nomine Margaretam, apud castrum de Farley quartodecimo die Augusti, anno Domini Mcccclxxiij. Et anno Domini Mcccclxxv. natus est dominus Edwardus filius et primogenitus prædicti ducis Clarencia de prædicta domina Isabella et patrona nostra, apud castrum de Warwick xxv. die Februarii, quem susceperunt de sacro fonte dominus Edwardus quartus, et avunculus ejusdem pueri, et episcopus de Carlile, et ducissa de Suffolke, soror ejusdem Georgii; et ad confirmationem dominus Johannes Strensham abbas Theokes. Et dictus Edwardus tunc ordinatur comes Warwick per dominum Edwardum regem. Et anno Domini мcccclxxvj. natus est prædicto Georgio filius, nomine Ricardus, de sæpedicta Isabella apud monasterium Theokes. in nova camera infirmariæ ibidem, sabbatho, viz. sexto die Octobris, circa horam secundam post nonam, litera dominicali F. et septimo die sequenti baptizatur in ecclesia parochiali, quem susceperunt de sacro fonte dominus Ricardus, abbas Evesham. et dominus Ricardus, prior Batoniæ, et domina uxor Jacobi Lutterell: ad confirmationem, dominus Willielmus Ferley, abbas Glowcestriæ, diversis abbatibus et prioribus præsentibus vestitis pontificalibus. Et octavo die ejusdem mensis confirmatur à domino Johanne Alkok episcopo Wigorniæ ad majus altare ecclesiæ nostræ, et vestitus ipse in pontificalibus. Quo tempore graviter infirmatur dicta Isabella ferè ad mortem. Et dominus prædictus Georgius recessit à monasterio nostro cum Isabella uxore sua infirmata usque ad Warwicke xij. die mensis Novembris et anno Domini мcccclxxvj. obiit domina Isabella, ducissa Clarentiæ, patrona nostra, apud castrum de Warwicke duodecimo die mensis Decembris circa horam undecimam ante mediam noctem, et defertur ejus corpus ad monasterium nostrum Theokes. Quarto die mensis Januarii dominus Johannes Strenisham abbas Theokes. cum diversis abbatibus (vestitis in pontificalibus) et toto conventu, recepit ejus corpus in inedio chori nostri et immediatè post fiebant exequiæ ejus à domino abbate et cæteris abbatibus et toto conventu in ix. lectionibus, postea à suffraganeis episcopi Wygorniæ, et episcopi Lincolniæ, et decano et clericis domini ducis exequiæ agebantur; et vigilia per totam noctem à familia dicti ducis custodiebantur in crastinum, viz. in vigilia Epiphaniæ. Primam missam de sancta Maria celebravit suffraganeus Lincolniæ episcopi in capella sanctæ Mariæ; secundam missam de Trinitate celebravit dominus abbas ad magnum altare; tertiam verò missam celebravit suffraganeus episcopi Wigorniæ, de Requie æterna, in qua sermonem fecit ad prælatos in choro, et cæteros ibidem quidam doctor sacræ theologiæ ordinum Minorum de Wigornia, Petrus Weld nomine. Et missâ finitâ, relictum est corpus ejusdem ducissæ in medio chori subtus le herse ibidem usque ad xxxv. diem. Et per omne id tempus solennes exequiæ fiebant quotidie in conventu pro anima dicta Isabellæ. Postea, videlicet in octava Purificationis beatæ Mariæ, in quo die, missâ finitâ, corpus illius sepulturæ traditum fuit subtus le volte artificialiter facto retro altare majus, ante capellam beatæ Mariæ ecclesiæ conventualis, et hostium sepulturæ positum est ex opposito ostii capellæ sancti |