Thou Lazarus, thou laithly lein Tramort, For hydious, how and holkit is thine Ee, The larbar Lukes of thy lang leinest Craig, Gars Men dispyt thair Flesch, thou Spreit of Gy! Thy ghaistly Luke fleys Folks that pas thee by, Lyke a deid Theif thats glowrand in a Tedder. Nyse Nagus, Nipcaik, with thy Schulders narrow, Thou lousy lukes, and tume of Lumis Aw, Hard Hurcheon, hirpland, hippit like an Harrow; Thy Rig-bane ratles, and thy Ribs on raw, Thy Hanches hurklis with Hukebanes harsh and haw, Thy laithly Lymms are lein as ony Treis: Ŏbey, Theif Bard, or I sall brek thy Gaw, Foul Carrybald, cry Mercy on thy Kneis. Thou scowry hippit, ugly Averil, With hurkland Banes, ay howkand throu thy Hyde, Reistit and crynd, as hangit Man on Hill, And aft beswakit with an owre hie Tyde, Quhilk brews richt meikle Barret to thy Bryd, Hir Care is all to clenge thy Cabroch Hows, Quhair thou lyes sawsly in Saffron back and Syde, Powdert with Primrose, swarmand all with Clows. Worlin Wanworth, I warn thee it is written, Thou skyland Skarth, thou has the Hurle behind, Wan wraigland Wasp, mae Worms thou has beshitten Than there is Grass on Ground or Beist on Lind; Tho' thou did first sic Folly to me find; Thou sall again with mae Witnes than I, Thy Gulschoch Gane does on thy Back it bind, Thou held the Burch lang with a borrowit Gown, Strait Gibbons Air, that neir owrestrade a Horse, We sall gar skale our Schulis all thee to skorn, The Boys of Edinburgh, as the Beis out thraws, I red ye Kimmer tak in your Linning Clais. Then rins thou doun the Gate, with Gild of Boys, Fish Wyves cry fy, and cast down Skulls and skeils, Sum clashes thee, some clods thee on the Cutes. Loun lyke Mahoun, be boun me till obey; Peild Gled, baith fed, and bred of Bitches Syde, Sae lyke a Tyke, Purspyke, quhat Man sets by thee, Forflitten, -bitten, beshitten barkit Hyde. Climb Ledder, fyle Tedder, foul Edder, I defy thee. Mauch Mutton, byle Button, percht Glutton, Air to Hillhouse; Rank Beggar, Oyster-dreggar, foul flegger in the Fleit; Chitter-lilling, Ruck-rilling, Lick-schilling in the Millhouse: Bawd Rehator, Thief of Nature, false Traytor, Feynds Get, Filling of Tauch, Rak sauch, Cry Crauch thou art owreset; Mutton Dryver, Girnal Ryver, zad Skyvar foul fell thee; Herityck, Lunatyck, Purspyk, Carlines Pet, Rotten Crok, dirten Dok, cry Cok, or I sall quell thee Kennedie to Dunbar. DOTHANE Deils Son, and Dragon dispytous, How thy Forbeirs are come, I have a Feil, This Deilber generit of a Meir of Mar. Quhen Bruce and Baliol differt for the Croun, And slew Seven thousand Scots within thae Waws: And came with Edward Langshanks to the Field, Where Twelve thousand true Scottish Men were kill'd, And Wallace chaist, as the Chronicle shaws. Scots Lords and Chiftains he gart hald and Chesson, Wallace gart cry an Counsale into Perth, And call'd Corspatrick Traytor be his Style, Nae Fowles of Effect, now amange thae Binks, The Variet Aple of the forbidden Tree, That Adam eit quhen he tint Paradyce, Scho eit envennom'd like a Cockatryce, Syne marriet with the Deil for Dignitie. Zit of new Treason I can tell the Tales, That cums on Nicht by Vision in my Sleip, Archbauld Dunbar betray'd the House of Hales, Because the zung Lord had Dunbar to keip, Throu that pretendand to their Rowms to creip; Richt crewely his Castle he purseuet, Broucht him forth boundin, and the Place reskewt, Set him in Fetters in a Dungeon deip. It were against baith Nature and gude Reason, Sen thou on me thus, Lymmer, leis and trattlis, Insenswat Sow, ceis fals Eustaces Air, And knaw, kein Scald I hald of Alathia, And gar me not the Cause lang to declair, Of thy curst Kin Deilber and his Alia; Cum to the Corss on Kneis and mak a Cria, Confess thy Cryme, hald Kennedie thy King, And with a Hawthorn scourge thy sell and ding, Thus drie thy Pennance dele quisti quia. |