He view'd the fashions of that land,

Their way of worship viewed he; But neither unto stock nor stane

Wad Beichan ever bow the knee; Whereby they straight-way him have ta’en, And brought afore a high jurie.

In ilka shoulder they've putten a bore,
In ilka bore they've put a tree ;
And they have made him trail the wine,
Till he was sick and like to dee.

But Beichan was a christened man,
And to his faith aye firm stood he;
Sae they've cast him in a dungeon deep,
Where he mat neither hear nor see.

The Moor he had but ae daughter,
I wot her name was Susie Pye;
And ilka day, as she gaed out,

She went young Beichan's prison by.

And ance it fell upon a day,

About the middle o' the spring, As she was in her garden fair,

She heard young Beichan sadly sing.

"My hounds they a' go masterless,

My hawks they flee frae tree to tree, My younger brother will heir my land, For England again I ne'er will see!"

She went away unto her chamber,
All night she never closed her e'e ;

And when the day begowd to dawn,
At the prison door alane was she.

She's ta'en a ring frae aff her finger,
Gied it the keeper for his fee;
And he has thrawn the prison door,
And Susie Pye has got the key.

"O wha is this," young Beichan he says,
That steers me or my sleep is gane?

O weel was me, out owre the sea,
For sure I dreim'd I was at hame !"

"O hae ye ony lands," she says,

"Or castles in your ain countrie? And what wad ye gie to the lady fair, Frae prison strang wad set ye free?"

"It's I hae houses, and I hae lands,
Wi' mony a castle fair to see ;
And I wad gie a' to that lady gay,
Frae prison strang wad set me free."

"Give me the truth of your right hand,
The truth of it give unto me,
That for seven years ye'll no lady wed,
Unless it be along with me."

He's gi'en her the truth o' his right hand,
He has sworn to her upon his knee;
The keeper syne brak aff his chains,

And set Lord Beichan at libertie.

And she has gi'en him the gude white bread, And made him drink o' the blude-red wine,

And bidden him somewhile think on her, That sae kindly freed him out o' pyne.

"It's seven lang years I'll mak' a vow,

And seven lang years I'll keep it true; If ye will na wed wi' anither woman, It's I will wed nae man but you!"

She's ta’en him down to the sea-shore,
She's set him in a ship of fame ;
Says, "O be sure now, love Beichan,

Ye dinna forget me when ye win hame!'

Lord Beichan turn'd him round about,
And lowly, lowly louted he;
"Ere seven years come to an end,
I'll tak' you to mine ain countrie."

PART II.

Lord Beichan has come to London town;
And, wow, but a happy man was he!
The ladies a' around him thranged,
To see him come frae slaverie.

But his lady mother wi' grief was dead,
His brothers a' ayont the sea;

His castles they were tenantless,
And wasted was his land sae free.

But gowd can weel mak' a' thing straight, However it may seem a-gee;

And no a lord in a' England,
Was serv'd like him sae royallie.

But Susie Pye, her heart was sair,
She couldna rest her love to see;
And as she in her garden gaed,
She heard a birdie on the tree.

It's "Susie Pye!" and "Susie Pye!
Sweet Susie Pye, why bide ye here?
The truth o' man, tho' it be strang,

Is weel worn out in seven lang year!"

She's set her foot on gude ship-board,
She's turned her back on her ain countrie;
And when she came to England's shore,
The bells were ringing merrilie.

And there she spied a little boy,
Was feeding his sheep upon a lea;
Come tell me now, thou little boy,
Why ring the bells sae merrilie ?”

"O there's a weddin' in yonder ha',

Has lasted thirty days and three ; Lord Beichan winna bed wi' his bride, For love o' ane that's ayont the sea."

She's put her hand in her pocket,

Gi'en him the red and the white monie ;

"Hae, take ye that, my bonny boy,

For the gude news thou tell'st to me."

When she came to young Beichan's gate,
She tirled softly at the pin;

แ

And sae ready was the proud porter
To open and let the lady in.

"Is this young Beichan's hall," she said, "Or is that noble lord within?"

"Yea, he's in the hall amang them all, And this is the day o' his weddin'."

"And has he wed anither love?

And has he clean forgotten me?" And, sighing, said that lady fair, "I wish I were in my ain countrie

"Ye'll bid him send me a piece o' bread,
But and a cup of his best wine ;
And bid him mind the lady's love,
That ance did loose him out o' pyne."

Then in and cam' the proud porter,

I wat he gae three shouts and three ;“The fairest lady stands at your yett, That ever my twa e'en did see.

"She has a ring on ilka finger,

And on her midfinger has three ; And as meikle gowd upon her head, As wad an earldom buy to thee."

Then up bespak the bride's mother, I wat an angry woman was she;— "Ye might hae excepted our bonny bride, And mair that's in this companie !"

"My dame, your daughter's fair enough, And aye the fairer mat she be;