II.

An quicquid recipitur ad modum recipientis recipiatur.

AFFR.

MULTA super Lycidan lugubri questus avena
Hæc secum infelix carmina pastor agit:-
"Huc mihi quæ Ortygiæ gelidos Arethusa recessus
Roscidaque irriguis fontibus antra colis;

Et Siculas inter valles, et florea rura,

Carpe tui Lycidæ debita serta rogo.

Ergo, infauste puer, placida qua morte quiescis
Phœbea, ut par est, laurus obumbret humum;
Spargaturque novi prænuncia primula veris,
Index ætatis flos obitusque tui.

Narcissumque gravem lacrymis, mœstosque hyacinthos
Addam, et sanguineis lilia tincta notis.

Quo feror infelix? non hæc solatia manes

Scilicet, aut tumuli tangit inane decus.

Novi equidem at tristes potui qua fallere curas
Saltem aliquam dulcis Musa ministrat opem."

III.

An idem sit Caussa diversorum.

AFFR.

PELIACO in saltu, Divûm heroumque propago

Phillyridam stipant, sancta corona, senem. Ille, sacer veri interpres, quo numine rerum Natura, et qua sit lege creata, docet;

Unde ortum mens ipsa trahat; quis corpora tarda Informans habili temperet igne vigor;

Quæ sancti norma officii; quæ munia vitæ ;

Et quæ

sint supero

debita vota Jovi.

Ille jubet tenues curas, et vilia rerum

Negligere, et magno pectore magna sequi. Interea assiduis vegetos venatibus artus Et rigido hybernæ frigore firmat aquæ : Aut cursu inter se, et dura certare palæstra, Aut jubet in rabidas cominus ire feras. Inde animos, ut quemque trahunt sua fata, futuræ Diversa in vitæ munera rite vocat.

Esonidæ cœlique vias et sidera monstrat,

Et

quæ sit medio semita tuta mari;

Phœbigenæ herbarum vires, ut quæque veneno

Polleat, aut medicam certa ministret opem ;

Ipsum autem, jam nunc magni præsagia belli
Captantem, et famæ debita fata suæ,

Peliden ciet, et puerum in prima induit arma,
Arma olim Hectorea nobilitanda nece.

IV.

An detur Sympathia.

AFFR.

DUM Panthea virum fulgentibus instruit armis,

66

Accipe," ait, "sanctus quæ tibi præstat amor.
Hæc tibi quæ fidum lateri nunc adligat ensem,
Sueta olim est nostros cingere zona sinus;
Quæque tibi aurata nunc pluma in casside nutat,
Implicui hanc propriis plus semel ipsa comis.
Jamque tibi chlamydem nectit spectabilis auro
Fibula, quæ vestes nexuit ante meas.

Nec chlamydi deerit sua gratia, nam tibi nostra
Hanc quoque solerti dextera pinxit acu.
Quin et multa tibi lorica in margine, nostro
Quæ nituit quondam in pectore gemma, nitet.
Nunquam adeo, quæcunque movet tibi prælia Mavors,
Pantheæ poteris non memor esse tuæ."

V.

An omne habeat suum ubi.

AFFR.

HELVETICOS inter montes, qua plurima circum
Fertur per medias unda soluta nives;
Prodit se Rhodanus, quaque inter lævia saxa
Fit via, cæruleis pascua mordet aquis.
Mox per aperta ruit spatia, ingentisque Lemani
Panditur in vitreos plenior unda sinus.
Sepositæ circa valles, et margine in ipso
Despicit illimem pulchra Geneva lacum.
Ocyus inde ruens, prono delabitur alveo,
Pigro Arari socias impliciturus aquas.

Jamque alto capit amne rates, mercesque superbas
Lugduni, et largas in mare portat opes.
Flexilis acclivi dependet vinea ripa,

Canaque perpetua frondet oliva coma.
Quaque oculos flectas, ævi monumenta prioris,
Turresque, et summis edita castra jugis;
Et circi spatia, et moles augusta Theatri
Imperium ostentat, maxima Roma, tuum.
Turbidus Ister eat majori flumine: sed non

Pulcrior ingentes ripa coronat aquas.

VI.

An omnia bergant ad Enteritum.

AFFR.

ARENTES inter campos et inhospita saxa,

Qua rubet æterno torrida sole dies,

Centum olim, ut perhibent, aræ, et ditissima donis
Surgebant Libyco templa dicata Jovi;
Flumina ubi zephyrosque et ripas nacta salubres
Explicuit patulas plurima palma comas.
Hæc Pisa delubra suæ Maurusius Ammon
Dicitur, et Croniis præposuisse jugis.
Ergo et Dodonam linquens, sylvasque Pelasgûm,
Et loca Chaonii quæ coluere senes,
His adytis responsa dabat; seu regia Sardis

Persarum eversas sollicitaret opes,

Sive ubi longinquum Macedo petiturus Hydaspen
Quæreret ignoti præscia fana patris.

Hæc olim fuerint: nunc sunt sine nomine terræ,
Qua pecudem in solis rupibus Afer agit ;
Aut vacua explorans frustra deserta viator
Devius incerto tramite lustrat iter.

Nulla adeo sacræ sedis monumenta supersunt,
Nec lapis ambiguam qui notet unus humum: