JOANNI MILTONI, LONDINENSI, Juveni, patriâ, virtutibus, eximio, VIRO, qui multâ peregrinatione, studio, cuncta orbis terrarum loca perspexit, ut novùs Ulysses omnia ubiqne ab omnibus apprehenderet; Polyglotto, in cujus ore linguæ, jam deperditæ, sic reviviscunt, ut idiomata omnia sint in ejus laudibus infacunda (et jure ea percallet, ut admirationes et plausus populorum, ab propriâ sapientiâ excitatos, intelligat) Illi, cujus animi dotes corporisque sensus ad admirationem commovent, et per ipsam motum cuique auferunt, cujus opera ad plausus hortantur, sed venustate vocem laudatoribus adimunt; Cui in memoriâ totus orbis, in intellectu sapientia, in voluntate ardor gloriæ, in ore eloquentia, harmonicos cœlestium sphærarum sonitus, Astronomiâ duce, audienti, characteres mirabilium naturæ, per quos Dei magnitudo describitur, magistrâ philosophiâ; legenti antiquitatum latebras, vetustatis excidia, eruditionis ambages, comite assiduâ autorum lectione, Exquirenti, restauranti, percurrenti- 321 Illi, in cujus virtutibus evulgandis ora Famæ non sufficiant, nec hominum stupor in laudandis satis est, reverentiæ et amoris ergo hoc, ejus meritis debitum, admirationis tributum offert CAROLUS DATUS. PATRICIUS FLORENTINUS, Tanto homini servus, tantæ virtutis amator. VOL. III. ELEGIARUM LIBER. ELEGIA I. AD CAROLUM DEODATUM. TANDEM, chare, tuæ mihi pervenere tabellæ, Jam nec arundiferum mihi cura revisere Camum, Nuda nec arva placent, umbrasque negantia molles: Quam male Phoebicolis convenit ille locus ! O! utinam vates nunquam graviora tulisset Non tunc Ionio quicquam cessisset Homero, Quid sit amor nescit, dum quoque nescit, amat. Sive cruentatum furiosa Tragoedia sceptrum Quassat, et effusis crinibus ora rotat, Et dolet, et specto, juvat et spectasse dolendo, Seu puer infelix indelibata reliquit Gaudia, et abrupto flendus amore cadit ; Sed neque sub tecto semper, nec in urbe latemus, Nos quoque lucus habet vicinâ consitus ulmo, Ah quoties dignæ stupui miracula formæ, Atque faces, quotquot volvit uterque polus ; Et quæcunque vagum cepit amica Jovem. Cedite Achæmeniæ turritâ fronte puellæ, Et quot Susa colunt, Memnoniamque Ninon, Vos etiam Danaæ fasces submittite Nymphæ, Et vos Iliacæ, Romuleæque nurus: |