SANCTORUM quotquot toto orbe coluntur, vel a catholicis scriptoribus celebrantur EX LATINIS ET GRÆCIS, ALIARUMQUE GENTIUM ANTIQUIS MONUMENTIS GODEFRIDO HENSCHENIO ET DANIELE PAPEBROCHIO, E SOCIETATE JESU. EDITIO NOVISSIMA, CURANTE JOANNE CARNANDET APRILIS TOMUS TERTIUS QUO ULTIMI XI DIES CONTINENTUR PRÆMITTITUR EXEGESIS PRELIMINARIS DIATRIBAM DE TRIBUS DAGOBERTIS OLIM EDITAM INNOVANS ET STABILIENS. AMPLISSIMO AC REVERENDISSIMO DOMINO MACARIO SIMEOMO CELEBERRIMÆ ECCLESIÆ S. MICHAELIS CANONICORUM ORDINIS PRÆMONSTRATENSIS ANTUERPIÆ ΑΒΒΑΤΙ D um continuus Tuus erga nostram JESU Societatem affectus AMPLISSIME AC REVERENDISSIME PRESUL, et ad historiæ sacræ elucidationem promovendam zelus singularis, finem nullum faciunt bene merendi de hac nostra Antuerpiensi Domo, in propriis Societatis muneribus si qua uspiam occupatissima; deque studiis nostris, ad Sanctorum Vitas eruder andas destinatis æquum profecto est, ut neque nos prætermittamus ullam testandæ gratitudinis occasionem; quando hoc demum solum est pulchrum inter Patronum clientesque certamen, quo pars utraque contendat vincere, vinc gaudeat. Ergo Aprilis mensis, novus laboris nostri fructus, in publicam proditurus lucem, honorem ambit Patrocinii Tui ; majori etiam quam Martius prægressus fiducia, quod non solum Præmonstratensium Beatorum ac Beatarum numerosiorem complectatur chorum; sed titulo etiam signatiori, quod inter seo censeat HERMANNUM-JOSEPH, illum AMPLITUDINI TUÆ REVERENDISSIMÆ pene domesticum Sanctum cujus ipse Reliquias, Steinfeldia olim acceptas, ad tutamen solatiumque carissimi Parthenonis, liberaliter divisisti ut lectissimarum Virginum cœtum, quem corporalibus subsidiis multipliciter fovisti, spiritualibus etiam cumulares ornamentis. Meminit adhuc Urbs Antuerpiensis universa, quanto cum publicæ pietatis incitamento, certantibus Præmonstratensium utrimque Tuorum, hinc Religiosorum, inde Virginum studiis, peracta solennitas sit: cujus ut memoria cum Actis ipsius Sancti perennaret in opere 1 nostro, brevi sed dilucida narratione, præstare curavimus. Belgium, orbis Annulum, vocavit nonnemo; et Annuli illius Gemmam, Antuerpiam. Præmonstratensem Ordinem Annulum esse, quo Cœlorum Reginam, Regis cœlestis Matrem MARIAM, obstrictam sibi habet Ecclesia, si dixerit aliquis; dicam ego, Annuli istius Gemmam esse HERMANNUM-JOSEPH. Dicam autem eadem loquendi formula, qua usus Joannes Cassianus, quando de eximio Ecclesiæ Doctore Ambrosio lib. 7 de Incarnatione cap. 25 asseruit, quod a manu Domini non recedens, in Dei semper digito quasi gemma rutilavit. Rutilavit videlicet in Dominæ digito, quasi candoris præcipui gemma, HERMANNUS-JOSEPH ; cui jus secundi istius nominis Deipara Virgo dignata est confirmare, quem pridem habuerat carissimum filium, adlegendo sibi in castissimum sponsum. Hanc Tu Gemmam ipsi Annulari orbis Gemmæ Antuerpiæ tam solerter apteque conjunxisti, ut plus fere honoris hic recipiat in parte, quam alibi in totius corporis sanctissimi compage; et Virgineo Sanctimonialium Tuarum contubernio, ita proprium dedisti Patronum, ut comparaveris grande præsidium Civitati universæ, quæ Dei Genitricis potentissimo Patrocinio fulta, eidem tanto magis curæ futuram sese deinceps sperat, quanto impensius colet MARIÆ Delicium, HERMANNUM-JOSEPH. Nunc autem ejus honori, in celeberrima tua S. Michaelis Basilica, novum ex marmore altare moliris, quo magis domesticum ipsum Tuis facias, alteram prædictarum Reliquiarum partem in eo veneraturis. Ipse vero, uti Tibi acceptum refert novum cultum, sibi Antuerpiæ deferri tam magnifice cœptum, ac porro magnificentius deferendum; ita libenter videbis e cœlis, sua quæ gessit in terris Acta novam lucem accipere sub auspiciis Tuis. Ipsius igitur justissimæ voluntati parere nos credimus, cum REVERENDISSIMÆ AMPLITUDINI TUÆ partem offerimus operis quod totum poteris vocare Tuum, quatenus omne id quod difficilioris inquisitionis aut disputationis prolixioris fuit, prius quam manum apponeremus extremam, dignatus prægustare legendo, socium quodammodo pii æque ac curiosi studii Teipsum nobis commodasti; maturo discernens judicio, et indicio sincero notans, si quid minus clare probatum, vel obscurius scriptum invenisses, aut alia quavis causa refingendum. Ea Dignationis Tuæ comitas, ad nostros conatus adjuvandos tam familiariter dimittentis sese, opportunissima sane huic Mensi fuit; in quonon tantum occurrebant multa perplexæ indaginis argumenta; sed aliqua etiam tractatu aspera, propter nimis incensa quorumdam studia, modis omnibus satagentium, ne cui liceat libeatve scribere diversum aliquid ab opinationibus, inter ipsos affectu magis quam ratione firmatis. Indignum erat vim inferri veritati, ne comperta eloqui palam posset indignius eam inferri ab homini bus |